ગુજરાતના વહીવટી તંત્રમાં લાંબા સમયથી ચાલી આવતી માંગણીનો સુખદ અંત આવ્યો છે. રાજ્ય સરકારે (State Government) મહેસૂલી તલાટી (Revenue Talati) અને પંચાયત તલાટી કમ-મંત્રી (Talati cum Mantri) માટેના જોબ ચાર્ટ (Job Chart) સ્પષ્ટ રીતે અલગ કરી દીધા છે. મહેસૂલ વિભાગ (Revenue Department) દ્વારા આ સંદર્ભે સત્તાવાર ઠરાવ ( GR) બહાર પાડીને બંને કેડરના કર્મચારીઓની કાર્યપદ્ધતિ અને જવાબદારીઓની વહેંચણી કરી દેવામાં આવી છે. આ નિર્ણયથી વહીવટી ક્ષેત્રે વર્ષોથી પ્રવર્તતી દ્વિધા અને ગૂંચવણનો કાયમી ઉકેલ આવશે.
મહેસૂલી તલાટીને સોંપાઈ જમીન અને કાયદાકીય કામગીરી
મહેસૂલ વિભાગના નવા પરિપત્ર મુજબ, મહેસૂલી તલાટી (Revenue Talati) હવે મુખ્યત્વે જમીન મહેસૂલ (Land Revenue), જમીન રેકર્ડ (Land Records) અને મહેસૂલી કાયદાઓ (Revenue Laws) સંબંધિત કામગીરી સંભાળશે. આ ઉપરાંત સરકારી જમીન (Government Land), ગૌચર જમીન (Pasture Land), જમીનના હદનિશાન અને જમીન પર થયેલા દબાણો (Land Encroachment) હટાવવાની કામગીરી પણ તેમની સીધી જવાબદારી હેઠળ રહેશે. ખાણ-ખનિજ સંબંધિત નિયમોનું પાલન અને મહેસૂલી આકારણી જેવી બાબતો પણ મહેસૂલી તલાટી દ્વારા જ હાથ ધરવામાં આવશે.
તલાટી કમ-મંત્રી સંભાળશે પંચાયત અને ગ્રામ વિકાસના કાર્યો
બીજી તરફ, તલાટી કમ-મંત્રી ગુજરાત પંચાયત અધિનિયમ (Gujarat Panchayat Act) હેઠળ ગ્રામ પંચાયતના સચિવ (Secretary of Gram Panchayat) તરીકેની સર્વોચ્ચ વહીવટી જવાબદારી નિભાવશે. ગામડાઓમાં સરકારની વિવિધ કલ્યાણકારી યોજનાઓનું અમલીકરણ (Scheme Implementation), ગ્રામ્ય વિકાસ કાર્યો (Rural Development Projects), ગામતળ, પંચાયત હસ્તકની જમીનનું વ્યવસ્થાપન, પીવાનું શુદ્ધ પાણી, ગામની સફાઈ અને સ્વચ્છતા તેમજ સ્ટ્રીટ લાઈટ અને પ્રાથમિક શિક્ષણ જેવી તમામ ગ્રામલક્ષી સુવિધાઓની દેખરેખ તલાટી કમ-મંત્રી કરશે. સાથે જ જન્મ-મરણ નોંધણી અને ગ્રામજનોને વિવિધ સરકારી પ્રમાણપત્રો આપવાની કામગીરી પણ તેમના હસ્તક રહેશે.
આજ રોજ તારીખ: ૨૧/૦૮/૨૦૨૬ના શુક્રવારે માનનીય ધારાસભ્યશ્રી જીતુભાઇ ચૌધરી સાહેબની તલાટી કમ મંત્રીના જોબ ચાર્ટ છૂટા પાડવા બદલ સરકારશ્રીનો આભાર વ્યકત કરવા શુભેચ્છા મુલાકાત કરી. તેમજ સંવેદનશીલ સરકાર દ્વારા ખૂબ જ લાંબા સમયનો પ્રશ્ન ઝડપથી હલ કર્યો માટે તલાટી કમ મંત્રી મંડળ કપરાડા અને નાનાપોંઢા દ્વારા આભાર વ્યક્ત કર્યો.
 |
 |